Шабданов: милицияда реформа жүрүп, маяналар жакшы болгону үчүн иштеп жатышат
Милицияда реформа жүрүп, маяналар жакшы болгону үчүн кызматкерлер иштеп жатышат. Бул тууралуу ИИМдин Кайгуул милиция башкы башкармалыгынын басма сөз кызматынын ага тескөөчүсү Медербек Шабданов Sputnik Кыргызстан радиосуна маек куруп жатып билдирди.
Анын айтымында, реформалардын арты менен көптөгөн өзгөрүүлөр болду.
"Кайгуул милицияда реформа жүрүп жатканы сезилет. Ошол үчүн кызматкерлерибиз кызматын өтөп жатышат да. Эгерде маянасы аз болуп, кыйынчылыктар жаралса алар иштемек эмес", — деди Шабданов.
Ал Кайгуул милиция башкармалыгы түзүлгөндөн тартып жарандардын чакырууларына милиция кызматкерлери ыкчам барып жатканын кошумчалады.
