БИШКЕК, 7-июл. — Sputnik. Кыргызcтандык жеңил атлетчи Дарья Маслова Азия биринчилигинде алтын медаль тагынды. Бул тууралуу Жаштар иши, дене тарбия жана спорт агенттиги билдирди.
Маалыматка ылайык, Маслова 5 чакырымдык аралыкка чуркап, атаандаштарын артта калтырган.
"Жарыштар 6-9-июль күндөрү Индиянын Бхубанешваре шаарында өтүп, Маслова 15 мүнөт 57,95 секундда биринчи болуп марага келди", — деп жазылат маалыматта.
Экинчи жана үчүнчү орундарды Араб Эмирлигинин жана Индиянын спортчулары ээлешти.
