Саркулов: алты ай ичинде 11 225 адам коомдук жайда арак ичип милицияга түшкөн
Акыркы алты ай ичинде 11 225 адам коомдук жайда спирт ичип милицияга түшкөн. Бул тууралуу ИИМдин Кайгуул милиция башкы башкармалыгынын башчысынын орун басары Ыманалы Саркулов Sputnik Кыргызстан радиосуна маек куруп жатып билдирди.
Анын айтымында, Кайгуул милициясы 18 миңден ашуун чакырууну тейлеген.
"Алардын 14 миң 700 такталып, керектүү жардамдар көрсөтүлдү. Мындан сырткары, биздин кызматкерлердин катышуусу менен 2877 кылмыш ишинин бети ачылды", — деди Саркулов.
Ал алты айда 18 миң 577 жаран укук бузганы үчүн кармалган, алардын 11 миң 225и коомдук жайда спирт ичкени үчүн милицияга түшкөнүн кошумчалады.
