Артыкбаев: товарды экспорттоодо керектелчү документтердин саны азаят
Товарды экспорттоодо керектелчү документтердин саны азаят. Бул тууралуу Европа коопсуздук жана кызматташуу уюмунун "Жөнгө салуу реформасы" долбоорунун эксперти Искендер Артыкбаев Sputnik Кыргызстан радиосуна маек куруп жатып билдирди.
Анын айтымында, аталган долбоордун алкагында ишкерликке тиешелүү болгон 1000ге чукул мыйзам иликтенип чыкты.
"Үч жылдан бери 72 миңге чукул мыйзамдарды карап чыгып, алардын ичинен 1000ге жакыны ишкерликти жөнгө саларын аныктадык. Учурда ошол мыйзамдарды карап, ашыкчасын алуу менен өзгөртүүлөрдү киргизип жатабыз", — деди Артыкбаев.
Ал товарды эксперттоодо 14 документ керектелерин айтып, алардын 11ин алып салуу каралып жатканын кошумчалады.
