БИШКЕК, 6-июл. — Sputnik. Франция ИИМинин башчысы Жерар Коллон өлкөдөгү террорист болушу мүмкүн делген 100 кишиде мыйзамдуу курал бар экендигин айтты. Бул туурасында РИА Новости Франс Пресске шилтеме кылып маалымат жарыялады.
Терроризм боюнча болгон жаңы мыйзам сенатта талкууланып жатканда ИИМ башчысы курал алып жүрүүгө лицензиясы бар "100гө чукул кишини аныкталгандыгын" айткан. Экстремист катары тартип коргоо органдарынын көзүнө илингени менен аларга эмнегедир курал берилип кеткен.
Буга чейин арам ойлуу адамдар Париждеги Елисей көк майсаңында Renault Megane автоунаасы менен жандармдарды тебелетип кеткен. Анда террорчу кагылышууда каза таап, тартип коргоо органдары менен жай жарандардан эч ким жабыркаган эмес.
Жалпыга маалымдоо каражаттарынын жазганына караганда, кол салган киши Франциянын атайын кызматтарына мамлекеттик кооптуулукка коркунуч жараткан деген шек менен белгилүү болгон. Адатта мындайларга fiche S макамын ыйгарып коюшат. Кийинки маалыматтарда аны автоунаасынын ичинен газ баллон, курал-жарак жана ок-дары табылган.
