БИШКЕК, 5-июл. — Sputnik. Британия Колумбиясынын (Канада) бийлиги сегиз айлык бөбөктүн медициналык картасына баланын жынысын жазган жок. Бул туурасында РИА Новости Time порталына шилтеме кылып кабарлады.
Baby's health card becomes first marked with gender ‘unknown' #KoriDoty #SearylAtli https://t.co/bpH4giJqQF pic.twitter.com/xgwcNcasK0
— Trendolizer (@Trendolizer) 3 июля 2017 г.
Бөбөктүн документиндеги жынысы жазыла турган жерине U тамгасы коюлган. Бул аныкталбаган деген маанини берет.
Баланын ата-энеси трансгендер Кери Дотинин айтымында, бул бөбөк чоңойгондон кийин жынысын өзү аныктап алсын деген тандоо.
CBS News телеканалы бийлик мындай чечимди Британия Колумбиясынын артынан Онтарио менен Альберт провинцияларында да кабыл алышы мүмкүндүгүн жазды.
Үчүнчү жыныс же үчүнчү гендер — коомчулукка аял же эркек ар кыл себептерден улам экендигин көрсөткүсү келбеген адамдар үчүн колдонулган термин. Буга өзүн коомдо эки жыныска тең таандык эмес деп эсептегендер кирет.
