БИШКЕК, 4-июл. — Sputnik. Түндүк Корея орто аралыкка эсептелген баллистикалык ракета учурду. Бул туурасында РИА Новости Рейтер агенттигине шилтеме кылып кабарлады.
Маалыматтар АКШнын Куралдуу күчтөрүнүн Тынч океан боюнча командачылыгынан алынган.
Түндүк Корея ракетаны Panghyon аба майданынан учурулуп, ал 37 мүнөттөн кийин Япон деңизине конгондугун айтууда.
"Түндүк Американын космостук жана абадан коргонуу боюнча командачылыгынын айтымында Түндүк Кореянын бул ракетасы алар үчүн кооптуулук жараткан эмес", — деп айтылат билдирүүдө.
4-июль күнү эртең менен саат 09.39да Түндүк Корея Япон деңизинин батыш тарабынан баллистикалык ракета учурган. 40 мүнөт учкандан кийин ракета Япониянын экономикалык аймагына кулап түшкөн. Маалыматтарда анын 930 чакырымга учканы айтылат. Азырынча анын Япониянын аба техникаларына же суу кемелерине кандай зыян алып келгени туурасында так маалыматтар жок. Күн чыгыш өлкөсү муну БУУнун Коопсуздук кеңешинин резолюциясын бузгандык деп эсептээрин билдирди.
