Ысык-Көлдө "Карек" балдар кино фонду тарабынан жайкы лагерь уюштурулуп, анда жаш балдарга тасма тартуу боюнча мастер-класстар өтүлүүдө. Бул тууралуу Sputnik Кыргызстан агенттигине "Карек" балдар кино фондунун жетекчиси Толкун Дайырбекова билдирди.
Анын айтымында, лагерде учурда 30 бала эс алып, аны менен бирге тасма тартуу, актерлук өнөрдүн сырларын үйрөнүп жатышат.
"Карек" балдар фестивалынан кийин көптөгөн балдар тасма тартканды үйрөнгүсү келип сурай башташты. Мастер-класстарды Бишкекте эле уюштуралы деп бирок аймактагы балдарга карап лагерди Ысык-Көлгө уюштурдук. Бул жактан балдар эс алуу менен бирге режиссерлук, актердук өнөрдү үйрөнүп кино тармагындагы белгилүү адамдар келип сабак өтүүдө. Мурдагы фестивалда "Мыкты анимациялык тасма" наамынын жеңүүчүлөрү учурда Кореяга барып тасма тартканды үйрөнүп келүүгө даярданып жатышат", — деди Дайырбекова.
Ошондой эле Дайырбекова тасма тартууга кызыккан балдарга туура багыт берсе, кийин алар көп нерсеге жетээрин кошумчалап өттү.
