БИШКЕК, 30-июн. — Sputnik. Ата мекендик өндүрүүчүлөр Катар мамлекетине минералдык суу, эт, бал экспорттойт. Бул тууралуу экономика министрлигинин маалымат кызматынан кабарлашты.
Үстүбүздөгү жылдын 22-23-июнь күндөрү Инвестицияларды жана экспортту илгерилетүү боюнча мамлекеттик агенттигинин директору Алымбек Орозбеков Катардын премьер-министри Али Аль-Али жана "Hassad Food Company" компаниясынын жетекчилиги менен жолугушуу өткөргөн. Анда өлкөнүн 20дан ашуун ишканалары катышып эт, сүт азыктары, суу, шире, жана кургатылган жер-жемиштердин түрлөрүн көрсөтүшкөн.
Ошондой эле Катар ишкерлеринин Кыргызстанга болгон сапарынын алкагында жергиликтүү ишканаларга экскурсия жүргүзүлгөн. Анда өндүрүлгөн продукцияларды лабораториядан өткөрүү үчүн үлгүлөрү катарлыктарга берилген. Азыркы учурда "Артезиан" суусундугу тийиштүү сыноодон өтүп экспортко даярдалып жатат.
