БИШКЕК, 29-июн. — Sputnik. Жогорку Кеңеште "Мамлекеттик сыйлыктар жана ардак наамдар" жана "Мамлекеттик сыйлыктарды белгилөө" жөнүндөгү мыйзам долбоорлору каралып, үчүнчү окууда добуш берүүгө жөнөтүлдү. Бул тууралуу парламенттин маалымат кызматы кабарлады.
Өкмөттүн билдирмесине караганда, мурдагы мыйзамда мамлекеттик сыйлыктар менен ардак наамдарды белгилөө, көрсөтүү, ыйгаруу жана тапшыруу жаатында көптөгөн карама-каршылыктар орун алгандыктан аны кайрадан иретке келтирүү зарылдыгы жаралган.
Сунушталып жаткан мыйзам долбоорунда "КР Баатыры" наамы — эӊ жогорку артыкчылык даражасы, ордендер I категориядагы, медалдар II категориядагы, КР Ардак грамотасы III категориядагы сыйлыктар катары каралган. Андан тышкары, "Даӊк" менен "Достук" ордендерин белгилөө жана айрым наамдарды жоюу сунушталууда.
