БИШКЕК, 29-июн. — Sputnik. Борбордук шайлоо комитетине Эл аралык Борбор Азия университетинин ректору Камила Шаршекееванын документтери тапшырылды. Бул тууралуу БШКнын маалымат кызматынан билдиришти.
Ал өз талапкерлигин өзү сунуштап жатат. 2001-2002-жылдардын аралыгында Билим берүү жана илим министри болгон Шаршекеева 2015-жылкы шайлоодо кайсы бир партиянын курамында талапкер катары көрсөтүлүп, жыйынтыгында партия парламентке өтпөй калган.
Буга чейин БШКга өз документтерин Темир Сариев, Өмүрбек Текебаев, Назарбек Нышанов, Арстанбек Абдылдаев, Рита Карасартова, Бакыт Дегенбаев жана Сайнидин Султанидинов тапшырган.
Булардын арасынан жалгыз Темир Сариев партиянын атынан сунушталып жатат.
