БИШКЕК, 27-июн. — Sputnik. Кыргызгидромет шашылыш билдирүү таратты.
Метеокызматтын маалыматына караганда, 27-29-июнь күндөрү маал-маалы менен жаан жаап, бийик тоолуу аймактарда кар түшүшү дагы күтүлүүдө.
Айрым райондордо батыштан соккон шамалдын ылдамдыгы секундасына 17-22 метрге жетери айтылууда.
Мындай туруксуз аба ырайы мал жайгандарга, унаа транспортунун, байланыш, энергетика жана коммуналдык кызматтарынын иштешине таасирин тийгизиши мүмкүн.
Нөшөрлөп жааган жамгырдан улам дарыялардагы суунун деңгээли көтөрүлүшү мүмкүн.
Ошондой эле тоолуу райондордо сел жүрүү коркунучу бар.
