Бул күнү жакындарыбызга көңүл буруп, көптөн бери көрүшө элек тууган-туушкандардан кабар алып койгонубуз туура. Ошондой эле көзү өткөн ата-бабалардын арбагына багыштап куран окутуу — милдет.
Бул жылы айт намаз Бишкектин эски аянтында өтүп, саат 7.00дө башталды.
Ал жерге чогулган элдин алдында дин өкүлдөрү сөз сүйлөп, муфтий Максатбек ажы Токтомушев кыргызстандыктарды майрамы менен куттуктады.
Намазга жыгылууга келген элдин алды өкмөт үйүнөн тарта арты Эркиндик бульварына чейин жетти.
