Россиялык эксперт ЕАЭБ өлкөлөрүнө терроризм менен кантип күрөшүү керектигин айтты

© Sputnik / Табылды КадырбековКуралчан адамдын архивдик сүрөтү
Куралчан адамдын архивдик сүрөтү - Sputnik Кыргызстан
Жазылуу
Эксперт эл аралык терроризмге, экстремизмге каршы турууда биргелешип иш алып барууда тажрыйбанын жоктугу мамлекеттин ичиндеги жаңы чыр-чатактардын чыгуусуна алып келиши ыктымал.

БИШКЕК, 22-июн. — Sputnik. Евразиялык экономикалык биримдиктин өлкөлөрүнүн бардык мамлекеттик органдары менен коомчулугу терроризмге каршы биргелешип күрөшүүсү зарыл. Бул туурасында "Сибирь-Евразия" эксперттик клубунун аткаруучу директору Сергей Козлов ЕАЭБ өлкөлөрүнүн Кыргызстанда өткөн Террорчулукка каршы Бишкек форумунда айтты.

Анын пикиринде Сибирь аймагын, Кыргызстан, Казакстан жана башка Орто Азиядагы башка мамлекеттердин бирдиктүү маселеси — эмгек миграциясынын террордук топторду түрдүү улуттун өкүлдөрүнөн турган согушкерлер менен толуктап жатышы болууда.

"Россиянын аймагында да эл аралык террордук уюмдарга азгыруу ишке ашып жатат. Мындай азгыруунун себебин жана механизмдерин иликтеп чыгуу үчүн бардык кызыдар тараптар тыкыр көңүл бурушу керек", — деди Сергей Козлов.

Эксперт террордук аракеттердин өсүп жаткандыгына байланыштуу ЕАЭБ мамлекеттеринин жамааттык коопсуздугун камсыз кылуу милдетин да белгиледи.

Жогорку Кеңештин депутаты Ирина Карамушкинанын архивддик сүрөтү - Sputnik Кыргызстан
Карамушкина: террорчулукка үндөгөн видеолорго тиешелүү тараптар жакшы көз салбай жатат
"Көптөгөн эксперттер элдин радикалдашуусунун алдын алуу керектигин баса белгилешет. Себеби, маселе комплекстүү чара көрүүнү талап кылып, ал дайыма эле мигранттарга байланышпашы мүмкүн. Андыктан террордук аракеттердин өсүп жаткандыгына байланыштуу ЕАЭБ мамлекеттеринин жамааттык коопсуздугун камсыз кылуу милдети келип чыгат. Эл аралык терроризмдин мындай чакырыктарына ЕАЭБ, КМШ жана ЖККУ уюмуна мүчө мамлекеттердин мамлекеттик структуралары, атайын кызматтар, эксперттик коомдун өкүлдөрү, бейөкмөт уюмдар биргелешип иш алып барганда гана каршы тура алат", — деди ал.

Форумду КРдин аймактык эксперттеринин "Пикир" клубу, КРдин коопсуздук Кеңеши, Атайын бөлүктөрдүн "Альфа" эл аралык ассоциациясы, "Евразия — Жаңы толкун" фондусу, "Сибирь-Евразия" (Новосибирск) эксперттик клубу уюштурду.

Иш-чара ЖКнын эл аралык иштер, коргонуу жана коопсуздук комитети, КРдин Президентинин аппараты, КРдин өкмөтүнүн аппаратынын колдоосунда өттү.

Жаңылыктар түрмөгү
0