БИШКЕК, 22-июн. — Sputnik. Акыркы жумаларда интернет айдыңында элди "Ислам мамлекети" террордук уюмунун катарына кошулууга үндөгөн кыргыз тилиндеги видеолорго тиешелүү органдардын реакция кылганын көрбөй жатам. Бул туурасында Жогорку Кеңештин депутаты Ирина Карамушкина ЕАЭБ өлкөлөрүнүн Кыргызстанда өткөн Террорчулукка каршы Бишкек форумунда айтты.
Форумга катышкан ЖКнын дагы бир депутаты Бахадыр Сулейманов террорчулукка каршы өз алдынча күрөшүүнүн стратегиясын ЕАЭБдин алкагында жаңы шарттарга ылайык кайрадан иштеп чыгуу зарылчылыгын белгиледи.
"Документ глобалдуу маалыматтык мейкиндиктин шартында ири террорчулук коркунучтар каптаган чек араларды эске алышы зарыл", — деп белгиледи депутат.
Эске салсак, Бишкекте Террорчулукка каршы ЕАЭБге мүчө өлкөлөрдүн форуму өтүп, ага бир катар эл аралык жана жергиликтүү уюмдар катышты.
