Сыдыкова: туура эмес жасалган аборт рак оорусун шартташы мүмкүн
Гинеколог Жанара Сыдыкова аборт кийин тукумсуздук, сезгенүү оорулары, ал тургай рак оорусуна алып келерин айтты.
"Жаш кыздар мамлекеттик ооруканаларга көп кайрылбай калышты. Анткени көпчүлүккө билгизбейли деп жеке клиникаларга барышат. Ата-энесинен жашырып жүрүп түйүлдүк чоңоюп кеткенде келгендер болот. Бирок бизге келген турмушка чыга элек кыздардын көбүнө "төрөп алгыла, кийин такыр балалуу боло албай каласыңар" деп айтабыз. Аборт кылдырган аялдын кийин боюна бүтпөй калуу коркунучу күч болсо, экинчиден организмдеги гормоналдык тең салмактуулук бузулат", — деди дарыгер.
Ал ошондой эле көп жолу боюнан алдырган аялдар да ар түрдүү жатын ооруларына кабыларын кошумчалап кетти.
