БИШКЕК, 20-июн. — Sputnik. Кыргызстандын кайсы аймактарында бийлик өкүлдөрү көбүрөөк төрөлгөнүнө Sputnik Кыргызстан агенттиги кызыгып көрдү. Бул үчүн Жогорку Кеңеш депутаттарынын, министрлер менен мамлекеттик агенттиктер жетекчилеринин, ошондой эле белгилүү саясатчылардын өмүр баяны иликтенди.
Саясатчылар менен атминерлердин саны боюнча биринчиликти Ош облусу менен Ош шаары алды. Эл багарлардын дээрлик төрттөн бир бөлүгү дал ушул аймактан экени аныкталды.
Экинчи орунда Бишкек турат. Мамлекет башында тургандардын ар бир бешинчиси Фрунзе шаарында төрөлгөндөр.
Үчүнчү сапта Жалал-Абад облусу. Бийликтегилердин 17 пайызы ушул дубандан.
Биринчи орунга Нарын облусу чыкты. Орточо эсеп менен 100 миң нарындыктын алтоо мамлекеттик кызматка келет экен.
"Күмүштү" Талас дубаны алды. Мында 100 миң кишиге 5 саясатчы менен аткаминер туура келет. Ал эми үчүнчү орунду Ысык-Көл облусу менен Бишкек шаары ээледи. Аталган аймактарда 100 миң кишине 4 башкаруучу чыгат.
Аткаминерлердин 1,5 пайызы чет жакта төрөлгөндөр. Чет өлкөдө жарыкка келген 200 кишинин үчөө гана Кыргызстанга кайтып келген. Тышкы иштер министри Эрлан Абдылдаев менен депутат Гүлшат Асылбаева Казакстанда жарыкка келишкен. Ал эми анын кесиптеши Жунус уулу Адыл кытайлык болот.
