БИШКЕК, 17-июн. — Sputnik. Президент Алмазбек Атамбаев бүгүн, 17-июнда өлкөнүн Саламаттыкты сактоо министри Талантбек Батыралиевди кабыл алды. Бул тууралуу өлкө башчынын маалымат кызматы билдирди.
9 Жалган Куран 2017, 16:24
Жолугушуунун жүрүшүндө президентке калкка көрсөтүлүп жаткан медициналык кызматтын сапатын жакшыртуу, анын жеткиликтүү болушун камсыз кылуу туурасында маалымат берилди.
Батыралиев мамлекет башчысына ошону менен бирге өлкөдө медициналык жаңы мекемелердин курулуштарынын жүрүшү, ооруканаларды куруу, оңдоп-түзөө жана модернизациялоо боюнча мындан аркы пландарды айтып берди.
Атамбаев саламаттыкты сактоо тармагында реформаларды натыйжалуу ишке ашыруунун маанисин баса белгилеп, медициналык жардам берүү системасын мындан ары өнүктүрүү боюнча бир катар тапшырмаларды берди.
