БИШКЕК, 17-июн. — Sputnik. Чет жактан Кыргызстанга эмгек мигранттар которгон акчанын көлөмү январь-апрель айларында былтыркы жылдын ушул маалына салыштырмалуу 159 миллион 10 миң долларга өстү. Бул тууралуу Улуттук банктын сайтында айтылууда.
Өткөн жылдын январь-апрель айларында 456 миллион 180 миң доллар которулса, быйылкы жылдын ушул эле маалындагы которуулар 615 миллион 190 миң долларга жеткен.
Улуттук банктын маалыматы боюнча каражаттын басымдуу бөлүгү Россиядан келген. Мындан тышкары, Казакстандан 1,3 миллион доллар, ал эми алыскы чет өлкөдөн калган каражаттар которулган.
