БИШКЕК, 14-июн. — Sputnik. Пекин эл аралык аэропортунда Xiamen Air авиакомпаниясынын учуу алдында турган самолету авариялык эшикти ачып жиберген жүргүнчүнүн айынан учпай калды. Бул тууралуу РИА Новости кытайлык ЖМКларга шилтеме берүү менен жазды.
China News агенттиги билдиргендей, учак 12-июнда саат 11.30да Пекинден Сямэнге учууга даярданып турган.
"Борд коштоочу авариялык эшиктин жанындагы 48-катарда отурган жүргүнчүгө жай учурда авариялык эшиктин туткасына тийбөө керектигин эскерткен. Аны уккандан кийин артта отурган жүргүнчү аял авариялык рычагды тартып, андан ары эмне болорун көрүүгө кызыккан", — деп журналистке Xiamen Air авиакомпаниясынын өкүлү айтып берген.
Une passagère déploie le toboggan d'un avion (B752/B-2869) de Xiamen Air — https://t.co/9RbYElPzCZ @crashaerien pic.twitter.com/cDnZ7gI1qZ
— Crash Aérien (@crashaerien) 13 июня 2017 г.
Мындан улам самолет каттамын токтотууга мажбур болуп, ичиндеги 113 жүргүнчү башка рейс менен кетишкен. Ал эми буга себепкер болгон аял полиция тарабынан 12 күнгө камака алынган.
Эми учакты оңдоого бери дегенде 100 миң юань (14,7 миң доллар) керектелет. Эксперттер келтирилген чыгымды мындай кылыгы үчүн жүргүнчү төлөп бериши керектигин айтышууда.
