БИШКЕК, 13-июн. — Sputnik. "Кыргызтемиржолу" мамлекеттик ишканасы жүк ташуучу 150 даана вагон сатып алат. Бул тууралуу Транспорт жана жолдор министрлигинен билдиришти.
Маалыматка ылайык, Жалал-Абад шаарындагы темир жол станциясына жүк ташуучу 150 даана вагон сатып алуу үчүн тендер жарыяланган. Ага Кытай, Россия, Белоруссия жана Казакстандагы төрт компания катышып, жыйынтыгында казакстандык компания жеңип чыккан.
Анын жыйынтыгы менен аудитордук текшерүү жүргүзүлүп, корутунду чыгарылган. Учурда атайын комиссия кошумча текшерүүлөрдү жүргүзүүдө. Анын жыйынтыгы менен эки тараптуу макулдашууга кол коюлат.
Вагондор Кыргыз-орус өнүктүрүү фонду тарабынан берилген насыя катары берилген 435 миллион сомго алынат.
