Сатыбалдиева: кан тапшырып туруу ден соолукка өтө пайдалуу
Кан тапшырып туруу ден соолукка өтө пайдалуу. Бул тууралуу Республикалык кан борборунун директорунун орун басары Айганыш Сатыбалдиева Sputnik Кыргызстан радиосуна маек куруп жатып билдирди.
Анын айтымында, кан донорлору баатырдык сапатка ээ.
"Кан тапшырып турган адамдын ден соолугу жакшы болот. Анткени кан тапшыргандан кийин кан айлануу системасы жакшырып, адам өзүн сергек сезип калат. Мындан сырткары, тамакка болгон табити да жакшырат", — деди Сатыбалдиева.
Ал кан донору жакшы уктай тургандыгын кошумчалады.
