БИШКЕК, 9-июн. — Sputnik. Өзгөчө кырдаалдар министрлиги шашылыш билдирүү таратты.
Маалыматка ылайык, 10-июндан 15-июнга чейин аба температурасынын жогорулап кетишинен жана нөшөрлүү жаан-чачындан улам өлкө аймагындагы суулардын деңгээли көтөрүлөт. Мындан улам жээктер жуулуп, жакын жайгашкан аймактарды суу капташы мүмкүн.
Ал эми тоолуу жерлерде сел жүрүү коркунучу күч болору айтылды.
