БИШКЕК, 7-июн. — Sputnik. Соцтармактарда Ош шаарынын мэри Аймамат Кадырбаевдин кызыл килем үстүндө туруп сүйлөп жаткан сүрөтү жарыяланып коомчулуктун сынына кабылды.
Facebook тармагында мэрдин беш башка жердеги трибунада турган сүрөтү жарыяланган. Баарында бут алдына килем төшөлгөнүн көрүүгө болот. Айрым колдонуучулар муну күлкүгө алса, кээ бирлери "бай-манап" болуп алыптыр деп сындап жатышат.
Говорят, когда мэр Оша хочет встать на сырую землю, ковер-самолет прилетает и сам стелится ему под ноги pic.twitter.com/Imn0MmPEBZ
— Bolot (@BKolbaev) 6 июня 2017 г.
Алгачкылардан болуп бул сүрөттү Twitter тармагына журналист Болот Көлбаев жүктөгөн.
Андан мурдараак ошол учурдагы вице-премьер Камила Талиеванын Нарында күн чайыттай ачык маалда жардамчысы ага кол чатыр тосуп турган сүрөтү чыгып кескин сынга алынган.
