БИШКЕК, 6-июн. — Sputnik. Кадамжай — Баткен трассасында адам өмүрүн алган жол кырсыгы катталганын окуяга күбө болгон жаран билдирди.
Анын айтымына караганда, 5-июнда кечки саат 22.00дөр чамасында Howo үлгүсүндөгү жүк ташуучу унаа менен жеңил авто кагышкан.
"Жеңил машина жүк ташуучу унаанын алдына кирип кетти. Бир адам көз жуумп, дагы бири ооруканага жеткирилди", — деди күбө.
Баткен облустук ИИБ Sputnik Кыргызстан агенттигине авария болгонун ырастады.
