БИШКЕК, 1-июн. — Sputnik. Жогорку Кеңештеги "Кыргызстан" фракциясынан депутат Канат Исаевге дагы бир факты боюнча айыбы угузулду. Бул тууралуу Улуттук коопсуздук мамлекеттик комитетинен (УКМК) кабарлашты.
Буга чейин УКМК Канат Исаев Токмоктун мэри болуп турганда муниципалдык жер тилкесин жеке компанияга соода борборун куруу үчүн берген деп айыптаган. Ал ошондой эле мэриядагы жооптуу кызматтарды ээлеген адамдар менен сүйлөшүп алып, шаардык бюджеттен каржыланчу автобекеттин курулуш ишин өзүнө караштуу ишканага берген деп айыпталууда.
Эми болсо Башкы прокуратура буга чейин Чүй облустук прокуратурасында жоголуп кеткен кылмыш ишин калыбына келтирди. Иш 2010-жылы козголгон болчу.
Юстиция министрлиги жүргүзгөн экспертиза көрсөтүлгөн имараттын 2010-жылдагы рыноктук баасы 1 миллион сомду түзгөнүн аныктаган.
25-майда бул кылмыш иши Канат Исаевге карата козголгон негизги иш менен бириктирилген.
Депутат 11-майда сыртка чыкпоо боюнча тил каттын негизинде үй камагына алынган.
