БИШКЕК, 31-май — Sputnik. Интеллектуалдык менчик жана инновациялар мамлекеттик кызматы (Кыргызпатент) аудиовизуалдык чөйрөдөгү автордук укук маселелери боюнча талкуу уюштурат. Бул туурасында аталган ведомствонун маалымат кызматынан кабарлашты.
Иш-чарада кинематография чөйрөсүндөгү көйгөйлөр, анын келечеги, радио жана телеберүүлөрдөгү музыкалык чыгармалардын автордук укук коргоо маселелери көтөрүлөт. Мындан сырткары, аудиовизуалдык чөйрөдөгү автордук укук келишимдерди жөнгө салуу тажрыйбасы талкууланмакчы.
Тегерек столго Маданият, маалымат жана туризм министрлигинин, чыгармачыл уюмдардын, жогорку жана атайын орто окуу жайлардын, телерадиокомпаниялардын жана кинотеатрлардын өкүлдөрү катышат.
