Мырзабаев: бүгүнкү күндө жоокерлердин курсагы ток
Бүгүнкү күндө жоокерлердин курсагы ток. Бул тууралуу Кургактагы аскер күчтөрүнүн кол башчысынын жардамчысы Таалайбек Мырзабаев Sputnik Кыргызстан радиосуна маек куруп жатып билдирди.
Анын айтымында, кыргыз армиясында бир топ реформалар жасалууда.
"Мамлекет кандай болсо, армиясы да ошондой. Эгерде мамлекет бай болсо, армия да бай болот. Көз карандысыздык алган жылдары жоокерлер ач калып, кызматын таштап качкан учурлары болду. Анткен менен кечээ президентибиз айткандай реформа жүрүп, учурда жоокерлердин курсагы ток, жаткан жери бар", — деди Мырзабаев.
Ал учурда аскерге барууну каалагандардын саны көбөйүп жатканын кошумчалады.
