"Бишкек парктагы" 5 жылдан бери "асылып турган" курулуш краны. Чочулаган тургундар

© Фото / Шумкар Шарапиев Дом у торгового центра "Бишкек Парк"
Дом у торгового центра Бишкек Парк - Sputnik Кыргызстан
Жазылуу
Шаардыктардын тынчын алып жаткан кран соода борборунун имаратында турганына беш жыл болду.

БИШКЕК, 30-май — Sputnik. "Бишкек парк" соода борборунун үстүндөгү көп кабаттуу үйлөрдөгү курулуш иштери бүткөнү менен андагы крандын бир топ жылдан бери алынбай турганы аталган имараттын айланасында жашагандарды тынчсыздандырып жатканын Sputnik Кыргызстан агенттигине WhatsApp каналы аркылуу окурман билдирди. 

© Фото / Шумкар Шарапиев"Бишкек парк" соода борборунун үстүндөгү көп кабаттуу үйлөрдүн алдында турган кран
Дом у торгового центра Бишкек Парк - Sputnik Кыргызстан
"Бишкек парк" соода борборунун үстүндөгү көп кабаттуу үйлөрдүн алдында турган кран

"Бишкек парктын" үстүндөгү көп кабаттуу батирлер сатыкка коюлуп, анда эл жашап жатат. Бирок, эмнегедир курулуш иштерине пайдаланган кранды албай жатышат. Тегерегинде жашагандар бир күнү кулап кетпейби деп коркушууда. Кошуналарыбыздын бири соода борборунун жетекчилиги кранды түшүрө албай жатыптыр деп укканын айтты", — деди өзүн Нурбек деп тааныштырган шаар тургуну.

Бизге кайрылган шаардыктардын кабатырлануусу канчалык негиздүү экенин билүү үчүн "Бишкек парк" ЖЧКсынын коомчулук менен байланыш боюнча менеджери Жанара Шайырбековага кайрылдык.

Бишкектеги мурдагы Нарын ресторанынын имараты. Архив - Sputnik Кыргызстан
Бишкектеги мурдагы "Нарын" рестораны түрттүрүлүшү мүмкүн
Ал имаратта крандын турганына беш жыл болгонун ырастады.

"Бул кран боюнча биз адистерибиз менен сүйлөштүк. Алардын билдиргенине караганда, кран абдан мыкты бекитилип турат. Андыктан, ал кулап кетет, коркунуч жаратат деп эч ким тынчсызданбай эле койсо болот. Бир нерсе болсо, беш жылдан бери болмок. Кранды албай жатканыбыздын себеби, экинчи блогду беш жылдыздуу мейманкана кылуу максатында ремонт иштери жүрүп жатат. Ошондуктан кран бизге керек", — деди Шайырбекова.

Ошондой эле мейманкананы куруу иштери бир жылдын тегерегинде бүтөөрү кошумчаланды.

Жаңылыктар түрмөгү
0