БИШКЕК, 29-май. — Sputnik. Социалдык тармакта төрөлөөрү менен алгачкы кадамдардын таштап жаткан ымыркайдын видеосу кызуу талкуу жаратты. Бул тууралуу India Times басылмасы жазып чыкты.
Аталган окуя Индиядагы төрөт үйлөрүнүн биринде болгон. Кайсы оорукана экени так айтылбайт. Видеодон көрүнүп тургандай, дарыгер жарыкка келген ымыркайды көтөрүп турат. Таң калычтуусу — наристе көзүн ача элек жатып, бир нече кадам таштаган.
Видео Arlete Arantes аттуу колдонуучу тарабынан Facebook тармагына жарыяланган. Бир нече күндүн ичинде роликти 74 миң киши көрүп, 150 миңден ашуун комментарий жазылган.
