БИШКЕК, 28-май — Sputnik. Рок-н-ролдун падышасы атыккан атактуу ырчы Элвис Преслинин жеке учагы Калифорнияда өткөн аукциондо 430 миң долларга сатылды. Бул тууралуу Ассошиэйтед Пресс маалымат агенттиги билдирди.
Адистер Преслинин учагы 2 миллион доллардан 3,5 миллион долларга чейин жетет деп болжолдошкон.
If you're an #ElvisPresley fan, you could pick up his custom-designed luxury private jet via @gwsauctions https://t.co/kJZ7IZM4p4 #redvelvet pic.twitter.com/2CtkhftPYp
— Todd Coopee (@ToddCoopee) 25 мая 2017 г.
Аукциондун уюштуруучулары учак толугу менен оңдоодон өтүшү керектигин айтып, анын кыймылдаткычы жок экенин билдиришкен. Учак 30 жылдан бери Нью-Мексикодогу аэродромдордун биринде токтоп турган.
Аны ким сатып алганы азырынча айтыла элек.
Элвис Пресли 1977-жылы 42 жашында каза болгон. Ага карабастан анын ырлары бүгүнкү күнгө чейин актуалдуулугун жоготпой келет.
