БИШКЕК, 3-апр. — Sputnik. Кытай Эл республикасынын мурунку төрагасы Мао Цзэдундун портрети Гонконгдо уюштурулган аукциондо 12,69 миллион долларга сатылганын РИА Новости агенттиги соода-сатык үйүнүн сайтына таянуу менен жазып чыкты.
Уюштуруучулар сүрөт үчүн 11,6 миллиондон 15,5 миллион долларга чейин акча алууну пландаштырышкан.
Мао Цзэдундун портрети 1973-жылы Энди Уорхолдун калеминен чыккан. Бийиктиги 127, туурасы 106,6 сантиметрге жеткен сүрөт акрил краскасы менен тартылган.
