БИШКЕК, 25-май — Sputnik. Бишкек — "Манас" аэропорту жолунун 28-чакырымында мотоцикл айдап бараткан адам рулду башкара албай жолго жыгылган. Күбө кырсыктын видеосун Sputnik Кыргызстан агенттигинин WhatsApp номери аркылуу жиберди.
© © видео очевидца, отправленное по Whats App-каналу
Жол кырсыгы болгонун Чүй облустук Кайгуул милициясы тастыктады.
Ага ылайык, кырсык кечээ саат 22:30дар чамасында болгон. Бир нече жеринен жаракат алып, айрым сөөктөрү сынып кеткен айдоочу оор абалда Бишкектеги Травматология жана ортопедия илим-изилдөө борборуна алып келинген.
Эгер кандайдыр бир кызыктуу окуяларга туш болуп калсаңыз сүрөт, видеолорду биздин +996 706 566 544 WhatsApp номери аркылуу жөнөтүп кабарласаңыз болот.
