Усеналиев: 1-сентябрдан тарта бардык мектептер интернетке кошулат
1-сентябрдан тарта мектептер интернетке туташат. Бул тууралуу Билим берүү жана илим министрлигинин мектепке чейинки, мектептеги жана мектептен сырткары билим берүү башкармалыгынын башчысы Марат Усеналиев Sputnik Кыргызстан радиосуна маек куруп жатып билдирди.
Анын айтымында мектептер эки этап менен интернетке кошулат.
"Мамлекет жетекчилигинин колдоосу менен быйыл тендер өткөздүк. Жакында ар бир мектепке интернет жеткизүү үчүн жабдууларды алабыз. Буюрса 1-сентябрдан тарта мектептер интернетке туташат. Экинчи этап менен интернет жетпей калган мектептер дүйнөлүк желеге 1-октябрдан тарта кошулат", — деди Усеналиев.
Ал ошондой эле интернет кошулчу ар бир мектепке экиден сыналгы берилип, бирден компьютердик класс ачылаары каралганын кошумчалады.
