БИШКЕК, 24-май. — Sputnik. 25-майда өткүн өтүп, күн күркүрөйт. Бул тууралуу Кыргызгидрометтен билдиришти.
Маалыматка ылайык, батыштан соккон шамалдын ылдамдыгы секундасына 4-9 метрден, айрым жерлерде 15-20 метрге чейин жетет.
Абанын температурасынын жогорулап, күтүлүп жаткан нөшөрлүү жаан-чачынга байланыштуу республиканын дарыяларында суунун дэңгээли көтөрүлөрүн Кыргызгидромет эскертет.
Суу жээктерин жууп кетүү жана дарыялардын нугуна жакын аймактарындагы жайылма тилкелерди суу каптоо коркунучу сакталат. Тоолуу жана тоо этектериндеги райондордо сел жүрүшү мүмкүн.
Ош жана Бишкек шаарында күн 28-30 градуска чейин ысыйт.
Чүй, Талас өрөөндөрүндө 23…28 градус ысык болсо, Ош, Жалал-Абад жана Баткен облустарынын дыйканчылык аймактарында күндүн табы 30 градуска чейин көтөрүлөт. Ал эми Ысык-Көл менен Нарын облустарында күндүз 23…28 градуска чейин жогорулайт.
