Дүйшеев: мыйзамсыз аңчылык айып пулду көтөрүү менен чечилбейт
Мыйзамсыз аңчылык айып пулду көтөрүү менен чечилбейт. Бул тууралуу Курманбек Дүйшеев Sputnik Кыргызстан радиосуна маек куруп жатып билдирди.
Эске сала кетсек, буга чейин өкмөт илбирс аткандарга айып пулду көтөрүүнү сунуштаган.
"Аңчылыкка айып пулду көтөрүү менен маселе чечилбей эле жең ичинен сүйлөшүүлөр көбөйөт. Көйгөйдү чечүү үчүн өкмөт, эл аралык уюмдар биригүүсү керек. Жакында акция өткөрүп, жаныбарлардын терилерин колдонбоо боюнча кайрылуу жасайлы деп жатабыз", — деди Дүйшеев.
Ал терилерди эски деген шылтоо менен колдонууга дагы тыюу салыш керектигин кошумчалады.
