БИШКЕК, 22-май — Sputnik. ГЭС-2 аймагында өлтүрүлгөн өспүрүм 15 жашта болгонун Sputnik Кыргызстан агенттигине Чүй ОИИББден билдиришти.
Маалыматка ылайык, милиция баланын сөөгүн 21-май күнү түнкү саат 22.40та тапкан.
"Денесинде сайылган бычактын издери болгон. Ал бала Аламүдүн районунун айылдарынын биринде жашары аныкталды", — деп айтылат маалыматта.
Бул факт боюнча кылмыш иши козголуп экспертиза дайындалды. Иликтөө иштери жүрүп жатат.
