БИШКЕК, 20-май — Sputnik. Ирандагы президенттик шайлоонун толук жайынтыгы чыгып, азыркы президент Хасан Роухани жеңишке жетишти. Бул тууралуу РИА Новости Ирандин ички иштер министри Абдолреза Рахмани Фазлиге таянуу менен жазып чыкты.
Роухани президенттик шайлоодо шайлоочулардын 57 пайыз добуш алган.
Президенттик шайлоого төрт талапкер катышкан. Алар: учурдагы президент Хасан Роухани, аятолла Ибрахим Раиси, мурдагы вице-президент Мостафа Хашеми-Таба жана консерваторлордун атынан талапкер болгон Мостафа Ага-Мирсалим.
Иранда президенттик шайлоо 19-май күнү өткөн. Ал жакта президенттик шайлоо менен катар эле шаардык кеңешке жана парламентке дагы шайлоо болгон. Иранда 56 миллион кишинин добуш берүү укугу бар.
