БИШКЕК, 20-май — Sputnik. Венеция комиссиясынын эксперттери 19-майда КР Борбордук шайлоо комиссиясынын (БШК) кызматкерлерине Жалпыга маалымдоо каражаттары (ЖМК) менен иштөө жана шайлоо учурунда алардын ролу тууралуу семинар өткөрдү. Бул тууралуу БШКнын маалымат кызматы билдирди.
Европа кеңешиндеги Венеция комиссиясынын эксперти, шайлоо укугу жаатында адис Евгений Радченко семинардын катышуучуларына "Шайлоо учурунда ЖМКнын жоопкерчилиги" темасында презентациясын сунуштады.
Андан сырткары, Украинанын Көз карандысыз медиа кеңешинин мүчөсү, "Адам укуктары платформасы" коомдук бирикмесинин аткаруучу директору Александр Бурмагин өзүнүн тажрыйбасы менен бөлүштү.
Ошондой эле семинардын катышуучулары кызыктырган суроолоруна жооп алышты.
