Бакиров: Жалал-Абадда РЭСтин инспекторлору тизме түзүү менен алек
Жалал-Абадда РЭСтин инспекторлору акча чогултпай эле тизме түзүү менен алек. Бул тууралуу "Өнүгүү — Прогресс" фракциясынын депутаты Мирлан Бакиров парламентте ар кандай маселелер каралып жатканда билдирди.
Эске сала кестек, 28-май күнү айрым жергиликтүү кеңештерге шайлоо өтөт.
"Жалал-Абад шаардык кеңештин шайлоосуна жети партия катышат. Бирок атаандаштык калыс болбой жатат. Мугалимдер окуучуларды шайлоого ата-энелериңерди алып келесиңер десе, РЭСтин инспекторлору акча чогултпай эле тизме түзүү менен алек", — деди Бакиров.
Эл өкүлү мурунку шаар мэри кайсыл бир партиядан талапкер катары кетип жатканын, мамлекеттик кызматкерлер чарба менен эмес, шайлоо менен гана алек болуп калганын кошумчалады.
