Кыргыздын ар бир тыюу, ырым-жырымынын мааниси терең, биздин ата-бабалар ойлоп тапкан айрым нерселер илимде эми гана изилдене баштады. Бул тууралуу салттуу илим изилдөөчү Чынара Сейдакматова Sputnik Кыргызстан агенттигине маек куруп жатып билдирди.
"Караңгыда тырмак алба" деген сөз бар. Көрсө, сөөк, чач маалымат алып жүрүүчү болуп саналат экен. Маалыматты караңгыда ар кайсы жерге таштап койсо, көзгө көрүнбөгөн жаман нерселер менен илээшип, жамандык алып келет. "Жамандык болгон жерге аялдар жоолукчан, эркектер баш кийимчен барышы керек" деген да тыюу бар. Анткени чач жамандык болгон жердеги терс энергиянын баарын кабыл алып, ал айланып башыңа келиши ыктымал", — деди Сейдакматова.
Ошондой эле ал кыргызчылык дүйнөсүнүн сырларын айтып берип, ыйык жер, адамдык касиеттерге токтолуп өттү.
