БИШКЕК, 15-май — Sputnik. Facebook социалдык баракчасындагы тайпаларадын бирине карышкырды улам бир итке талаткан видео жарыяланды.
Видеону интернетке жүктөгөн адам окуя Кыргызстанда болгонун айтууда.
"Кармалган жапайы жаныбарларды ушинтип кордошот", — деп жазды интернет колдонуучу.
Видеодо карышкыр жаш экени жана ал акыркы күчү менен карманып турганын байкаса болот.
Айлана-чөйрөнү коргоо жана токой чарба агенттиги аталган видеожазылма боюнча иликтөө жүргүзүлөрүн маалымдады.
