Илимпоздор фотокапканга түшүп калган сүрөттү белгисиз жарык деп ойлоп жатышат.
БИШКЕК, 13-май. — Sputnik. КР Илимдер академиясынын илимпоздору фотокапканка тартылып алынган өзгөчө сүрөттүн сырын биле албай жатышат. Бул тууралуу "Германиянын жаратылышын коргоо союзу" (NABU) коомдук бирикмесинин коомчулук менен байланышуу боюнча адиси Зарина Эсенбаева билдирди.
Чоң Кемин жаратылыш паркына коюлган фото капканга түшүп калган сүрөт
Анын айтымында, 2014-жылы декабрь айынын соңунда Чоң-Кемин мамлекеттик жаратылыш паркынын айланасындагы өзөндө жапайы жандыктардын, анын ичинде ак илбирсти сүрөткө тартып калуу максатында фотокапкан коюлган.
Чоң Кемин жаратылыш паркына коюлган фото капканга түшүп калган сүрөт
"NABU адистери акыркы ирмемдерди көрүп жатып, кызыктуудай сүрөт таап алышкан. Анда жетиге чукул белгисиз жарык болгон жайдын сүрөтү алынган", — деди Эсенбаева.
2014-жылы декабрь айынын соңунда Чоң-Кемин мамлекеттик жаратылыш паркынын айланасындагы өзөндө жапайы жандыктардын, анын ичинде ак илбирсти сүрөткө тартып калуу максатында фотокапкан коюлган
2014-жылы декабрь айынын соңунда Чоң-Кемин мамлекеттик жаратылыш паркынын айланасындагы өзөндө жапайы жандыктардын, анын ичинде ак илбирсти сүрөткө тартып калуу максатында фотокапкан коюлган
"Фотокапканга түшкөн башка сүрөттөр жакшы сапатта. Адистер аны күндүн чагылган нурлары деп божомолдошкону менен ал жерде күн бүркөк болуп турганын даана көрүүгө болот", — деди ал.
Ал ошондой тар чөйрөдөгү адистер "өзгөчө" сүрөттүн сырын биле албай, КР Илимдер академиясынын илимпоздоруна өткөрүп берүү чечимин кабыл алышкан.
"Учурда сүрөттөрдү иликтөө жүрүп жатат. Мага белгилүү болгондой баары бир пикирге келе албай, айрымдары сүрөткө күндүн нурлары түшкөн десе, кээ бири чуркап бара жаткан жаныбар чала тартылып калган деп түшүндүрүүдө", — деди Эсенбаева.
Адис аталган жайда фотокапкан бир канча жолу ак илбирс жана тоо текелерин сүрөткө түшүрүп калганын баса белгиледи.
