БИШКЕК, 13-май — Sputnik. Бишкектин Фучик жана Рыскулов көчөлөрүнүн кесилишине жайгашкан тигүү цехи өрттөнүп кетти. Бул тууралуу ӨКМдин маалымат кызматы кабарлады.
Маалыматка ылайык, тигүү цех "Акмарал" ЖЧКсына таандык болгон.
"Өрт тууралуу түнкү саат 2.17де маалымат түшкөн. Ага үч өрт өчүрүүчү унаа тартылып, жалын саат 5.17де толугу менен өчүрүлгөн. Тилсиз жоонун кесепетинен имараттын 250 чарчы метр аянттагы чатыры, 30 даана тигүчү машина жана 5000 даана көйнөк күйүп кеткен. Кырсыктан эч ким жаракат алган жок", — деп айтылат маалыматта.
Ал эми өрттүн келип чыгуусуна электр жабдууларын пайдаланууда эрежелердин сакталбаганы себеп болгон деп айтылат.
