Президент "Азаттыкка" коюлган доо арызды артка кайтарууну сунуштады

© Sputnik / Табылды КадырбековПресс-конференция Алмазбека Атамбаева по итогам 2016 года
Пресс-конференция Алмазбека Атамбаева по итогам 2016 года - Sputnik Кыргызстан
Жазылуу
Буга чейин КРдин башкы прокурору президенттин ар-намысын коргоо максатында эки ЖМКны сотко берген.

БИШКЕК, 11-май — Sputnik. Өлкө башчы Алмазбек Атамбаев Башкы прокуратурага "Азаттык медиа" мекемесине карата доо талаптарын артка кайтаруу маселесин карап көрүүнү сунуштады. Бул тууралуу президенттин аппаратынан кабарлашты.

Эске салсак, буга чейин КРдин башкы прокурору президенттин ар-намысын коргоо максатында эки ЖМКны сотко берген.

Бул даттануулардын негизинде "ПроМедиа" (zanoza.kg) жана "Азаттык медиа" (azattyk.org) компанияларынын банктагы эсеби камакка алынган.

"Эркин Европа медиакорпорациясынын президенти Томас Кенттин өтүнүчү менен Кент менен Атамбаевдин жолугушуусу өткөн. Анда өлкөдө болуп жаткан окуяларды чагылдырууда тең салмактуулукту сактоо талкууланган. Ал жолугушуудан берки мезгилде "Азаттык" радиосунун эфирине чыккан жана анын интернет сайтына жарыяланган материалдарда калыстык камсыздалып, оң көрүнүштөр болду", — деп айтылат маалыматта.

Жогоруда айтылгандарды эске алып жана сөз эркиндигинин негизги принциптерине сый-урматын көрсөткөн Атамбаев Башкы прокурорго "Азаттык медиа" мекемесине карата доо талаптарын артка алууну сунуштаганы маалыматта белгиленген.

Жаңылыктар түрмөгү
0
Алгач жаңыларыАлгач эскилери
loader