БИШКЕК, 12-май — Sputnik. Дүйнөлүк банктын алдын ала болжомолу боюнча быйыл Евразия экономика биримдигине (ЕАЭБ) кирген өлкөлөр арасында Кыргызстандын ички дүң продукциясы алдыга озуп чыгат.
Мындай маалымат Дүйнөлүк банктын бейшемби күнү Европа жана Борбордук Азия региондорунун экономикалык абалы туурасындагы докладында жарыяланган.
Ага ылайык, өткөн жылы Кыргызстандын ички дүң продукциясы 3,8 пайызды түзгөн. Ал эми быйыл 3,4 пайызга чейин төмөндөшү мүмкүн. Бул алтын казуунун азайгандыгына байланыштуу, ошону менен бирге эле өнөр жай тармактарында өсүү болору күтүлөт.
Ошондой эле ЕАЭБ өлкөлөрүндө ички дүң продукциянын төмөндөөсү байкалганы менен Кыргызстандын көрсөткүчү баарынан жогору турат. Бул жылы Казакстанда 1ден 2,4 га чейин көтөрүү каралып жатат. Арменияда 0,3дөн 2,7 пайызга чейин өскөн. Россияда 0,2ден 1,3 пайызга өсөт. Белоруссия минустан чыга элек, бирок аны да —2,6дан —0,4 пайызга чыгаруу болжолдонууда.
