БИШКЕК, 11-май. — Sputnik. Түркиядагы сейил бактардын бирине улуу жазуучу Чыңгыз Айтматовдун аты берилмей болду. Бул тууралуу Маданият, маалымат жана турзм министрлиги билдирди.
"Чыңгыз Айтматов атындагы Ысык-Көл форуму" коомдук бирикмесинин президенти Аскар Айтматовдун айтымында, аталган сейил бак Стамбулдун негизги трассасынын боюнда жайгашкан.
"Мындан сырткары, бул паркка кыргыз жазуучусунун эстелигин тургузуу чечими дагы чыгарылды", — деп жазылат маалыматта.
Ушу тапта айкелдин эскиздик долбоорун даярдоо жүрүп жатканы кошумчаланды.
