БИШКЕК, 5-май — Sputnik. Түндүк Корея лидери Ким Чен Ын Корея элдик армиясынын артиллериялык бөлүктөрүн кыдырып көрүп, аскерлерин "биринчи эле команда берилгенде душмандын катыгын берүүгө даяр турууга" чакырды. Бул туурасында РИА Новости Кореянын борбордук телеграф агенттигине таянып жазды.
Аталган аскердик бөлүктөр Чанжэдо жана Мудо аралдарында жайгашкан. Бул жерде Түштүк Корея менен чеги талаш болуп келе жаткан аймак бар. Бул Сары деңиздин айланасы.
"Ким Чен Ын фронттун түштүк-батыш тарапты коргоп турган артиллериялык бөлүктөрүн кыдырып көрүп чыкты. Андан сырткары аскерлерди "биринчи эле команда берилгенде душмандын катыгын берүүгө даяр турууга чакырды", — деп айтылат маалыматта.
Аталган өлкөгө таандык болгон Чанжэдо жана Мудо аралдары жана Түштүк Кореяга караган Йонпхёндо аралы Сары деңизден анча алыс эмес жердеги талаштуу аймакта жайгашкан.
Аймакта ири куралдуу кагылыш 2010-жылдын 23-ноябрында Йонпхёндо аралында болгон. Сеулдун маалыматына караганда, арал Түндүк Корея тараптан артиллериялык атууга алынып, экинчи тарап да курал менен жооп берген. Анын кесепетинен эки түштүк кореялык эки аскер каза таап, 17си жарадар болгон.
Корей жарым аралындагы кырдаал акыркы мезгилдери Түндүк Кореянын ракета сыноолорунан кийин чыңалып кетти.
