БИШКЕК, 3-май. — Sputnik. Ошто унааларды Евразия экономикалык биримдигинин эрежелери менен каттай турган пункт ачылганын Экономика министрлигинен кабарлашты.
Унааларды милдеттүү түрдө каттоо системасы 12-февралда күчүнө кирген. Жаңы эрежелерге ылайык, унаанын техникалык абалын атайын лабораториялар текшерет. Анткен менен 12-февралга чейин өлкөгө унаа алып келгендерге бул эреже жайылтылбайт.
Унаанын коопсуздугун текшерген биринчи лаборатория Бишкек шаарындагы Көк-Жар айылынын Мадиев 27 көчөсүндө ачылган.
Ушундай эле пункт Ош облусунда дагы ачылды. Унааларды жеке компания тейлейт. Лаборатория Кара-Суу районуна караштуу Кызыл-Кыштак айылынын Касымбеков 6 дарегинде жайгашкан.
