БИШКЕК, 1-май. – Sputnik. Бишкекте 25 жаштагы кош бойлуу келин жол кырсыгынан кийин ооруканага жеткирилгенин №6 төрөт үйүнөн кабарлашты.
Кайгуул милициясы 28-апрелде Исанов менен Рыскулов көчөлөрүнүн кесилишинен эки унаа кагышканын маалымдады. Такси кызматын көрсөткөн унаанын ичинде тогуз айлык боюнда бар келин болгон. Жолдо өтүп бараткан Тез жардам кызматы аялды №6 төрөт үйүнө жеткирген. Келин башынан жаракат алган.
Төрөт үйүнөн маалымдашкандай, аял ошол эле күнү кесарева жолу менен төрөгөн.
Кайгуул милициясы эки унаанын тең айдоочуларын издеп жатат. Милиция аларды көрсөтмө берүү үчүн чакырат. Ошондой эле ведомство окуянын күбөлөрүн маалымат берүсүн өтүнөт.
